No strøymer gjestane til hotella igjen: – Helgene er fullbooka
Førehandsbestillingane aukar kraftig. Sommartrafikken ved hotella ser ut til å vere tilbake på nivået før pandemien. – Det ser veldig lovande ut. Viss vi er heldige kan denne sommaren bli betre enn 2019, seier hotelldirektør Kjetil Smørås ved De Bergenske hoteller i Bergen. Bergenshotella er tilbake til normalen og vel så det etter to pandemiår. Men også for andre norske hotell ser sommarsesongen lovande ut.
