"Å investere i hotell i dag er eit tvilsamt prosjekt"
Meiningar, Skrive av Leif Berstad - Ope brev til Selje Hotell Invest Å investere i hotell i dag, er eit tvilsamt prosjekt. Turismen og hotellnæringa fekk vind i segla då bilen vart allemannseige. Hotellnæringa har mindre lønsemd no når bu-bilane er allemannseige. Selje hotell , som de vil nybyggje, er eit namn med historie. Wald Drageseth såg at Selje hadde bruk for eit hotell, så han tok vågnaden og bygde eit. Han fekk hotellkyndige til å drive det. Og, med eit sitat frå bygda: «Då han Wald såg kor gode ekteparet Berge var til å drive, selde han hotellet til dei». Kor mykje han sjøl tente på det, er vel uvisst, men for bygda Selje vart hotellet gull verd.