Kvart einaste år kjem det rundt 1,5 millionar turistar til vesle Flåm i Aurland. Og mange av dei kjem med cruise.
Men no spøkar det for cruiseturismen.
Flåm og fleire andre cruisedestinasjonar har difor fått det travelt med å omstille seg.
Dette er nokre av tiltaka:
- Landstraumanlegg
- Lading for personbilar
- Hurtiglading for bussar
- Ladeløysing eller hydrogenfylling for RIB-båtar
- Lading i hamn til fritidsbåtar
- Solcelleanlegg
Neste veke blir rapporten overlevert til klima- og miljøminister Espen Barth Eide (Ap).
Det kjem rundt 1,5 millionar turistar til vesle Flåm i Aurland kvart einaste år. Mange kjem med cruisebåtar.
FOTO: SARA JOHANNESSEN MEEK / NTB– Vi får ikkje alt over på null innan 2030
– Dette er eigentleg ei heilelektrifisering av Flåm, seier Tor Mikkel Tokvam i Aurland hamnestell.
Ifølgje rapporten har forslaga potensial til å kutte utsleppa med over 30.000 tonn CO₂.
Nær 12.000 tonn vil vere lokale kutt i
– Vi er ikkje der at vi får alt over på null innan 2030. Men om vi ser på alle sektorar, klarer vi å ta ned utsleppa tilsvarande tre gonger det vi har på fjorden, seier Tokvam.
– De flyttar kutta frå sjø til både sjø og land?
– Ja, vi hevar blikket frå eit einsidig spor mot ferje- og passasjertrafikk på fjorden til at vi ser dette på tvers av fleire sektorar.
Hamnesjef Tor Mikkel Tokvam seier at rapporten hevar blikket frå eit einsidig spor mot ferje- og passasjertrafikk på fjorden til at ein ser på dette på tvers av sektorar.
FOTO: OLE ANDRE REKKEDAL / NRKSjøfartsdirektoratet foreslo å bruke biogass på cruiseskip
Ein rapport Menon utarbeidde for Sjøfartsdirektoratet viste at CO2-utsleppa i Noreg i liten grad blir reduserte av nullutsleppskravet.
Sjøfartsdirektoratet ville først utsette utsleppskravet. Men i januar i år foreslo direktoratet å bruke biogass på cruiseskip i ein overgangsperiode fram til 2035.
Aurland-ordførar Trygve Skjerdal (Sp) kallar rapporten for eit alternativ til reglane som er under utarbeiding.
Han seier nullutsleppskravet er utfordrande.
– Vi meiner dette er eit alternativ som tek innover seg både miljøspørsmål, arbeidsplassar og alt som betyr noko for lokalsamfunnet på ein langt betre måte, seier Skjerdal.
Aurland-ordførar Trygve Skjerdal (Sp) kallar rapporten for eit alternativ til reglane som er under utarbeiding av Sjøfartsdirektoratet.
FOTO: VALENTINA BAISOTTI / NRK– Kombinerer omsyn til miljø og reiseliv
Forslaget er berekna å koste 400 millionar kroner:
100 millionar kroner i landstraumanlegg og 300 millionar kroner for andre tiltak.
Erling Sande (Sp), leiar for transport- og kommunikasjonskomiteen på Stortinget, meiner rapporten sit på svaret til korleis ein kan kombinere omsynet til miljø og reiselivet, samtidig.
– Kan det bli finansiering for desse løysingane?
– Føresetnaden er at det kjem skip som bruker landstraumanlegget. Med forbod mot skipa, så blir det også vanskeleg med finansiering. Så her heng ting nøye saman.
Les også:Innførte strenge reglar – likevel kjem cruiseskip frå 80-talet til norske fjordar i år
Ove Trellevik (H) seier han forventar at regjeringa lagar ein konkret handlingsplan som viser korleis ein skal kome i mål med landstraum.
Partifelle Liv Kari Eskeland meiner løysingane er overførbare til andre fjordar og kystbyar, også utanfor Noreg:
– Vi kan selje ideen ut i verda, og det er jo det vi verkeleg ønskjer.
Solcelleanlegg og ladestasjonar for bilar, bussar og fritidsbåtar er blant tiltaka som er foreslegne for at cruiseturismen skal overleve i verdsarvfjordane.
FOTO: SARA JOHANNESSEN MEEK / NTB
